Til baka	Prenta
Byggðarráð Dalabyggðar - 312 Haldinn í stjórnsýsluhúsinu í Búðardal, 27.07.2023 og hófst hann kl. 13:00 Fundinn sátu: Skúli Hreinn Guðbjörnsson formaður, Guðlaug Kristinsdóttir aðalmaður, Garðar Freyr Vilhjálmsson aðalmaður, Björn Bjarki Þorsteinsson sveitarstjóri, Fundargerð ritaði: Jóhanna María Sigmundsdóttir, Verkefnastjóri atvinnu- kynningar- og menningarmála Dagskrá:  Almenn mál 1. 2304008 - Sælingsdalstunga Kynnt staða mála og farið yfir næstu skref. Tvö tilboð hafa borist. Lagt til að gera gagntilboð á móti hærra tilboðinu. Lægra tilboðinu hefur þegar verið hafnað. Samþykkt samhljóða. 2. 2305018 - Innkaup Dalabyggðar, útboð og verðkönnun Sveitarstjóri kynnti tillögu að samningi við Vinlandssetur ehf. um rekstur mötuneytis við Auðarskóla, byggðum á útboði sem fram fór fyrir stuttu, eitt tilboð barst í verkefnið og er samningurinn byggður að á grunni þess. Jafnframt var farið yfir stöðu mála varðandi verðkönnun á þrifum í Auðarskóla og Stjórnsýsluhúsi. Sveitarstjóra falið að ganga frá samningi vegna reksturs mötuneytis Auðarskóla í samræmi við gögn sem kynnt eru á fundinum. Samþykkt samhljóða. Sveitarstjóra falið að ganga frá samningi vegna ræstinga í Auðarskóla og stjórnsýsluhúsi Dalabyggðar í samræmi við gögn sem kynnt eru á fundinum. Samþykkt samhljóða. 3. 2301018 - Vínlandssetur Sveitarstjóri kynnti stöðu mála og hvað hefði gerst frá síðasta fundi byggðarráðs. Drög að samningi um rekstur veitingastaðar á Vínlandssetri lögð fram til kynningar. Sveitarstjóra falið að vinna áfram að málinu í samræmi við umræður á fundinum. Samþykkt samhljóða. Drög að samningi um rekstur sýningarhalds á Vínlandssetri lögð fram til kynningar. Sveitarstjóra falið að vinna áfram að málinu í samræmi við umræður á fundinum. Samþykkt samhljóða. 4. 1702012 - Starfsmannamál - ráðning verkefnastjóra fjölskyldumála Lokið er úrvinnslu umsókna um starf verkefnastjóra fjölskyldumála í Dalabyggð. Sveitarstjóri kynnir ráðningu verkefnastjóra fjölskyldumála í Dalabyggð. Jóna Björg Guðmundsdóttir tekur til starfa 14. ágúst nk. Fleira ekki gert. Fundi slitið kl. 13:55
Til baka	Prenta

• Var efni síðunnar hjálplegt?
• JáNei