Til baka	Prenta
Atvinnumálanefnd Dalabyggðar - 13 Haldinn í stjórnsýsluhúsinu í Búðardal, 20.01.2020 og hófst hann kl. 16:00 Fundinn sátu: Pálmi Jóhannsson formaður, Garðar Freyr Vilhjálmsson aðalmaður, Gyða Lúðvíksdóttir aðalmaður, Þórey Björk Þórisdóttir aðalmaður, Einar Jón Geirsson aðalmaður, Kristján Sturluson sveitarstjóri, Jóhanna María Sigmundsdóttir Verkefnastjóri , Fundargerð ritaði: Jóhanna María Sigmundsdóttir, Verkefnastjóri Dagskrá:  Almenn mál 1. 2001021 - Atvinnustefna - Styðja við hugmyndir og þróun núverandi rekstrar fyrirtækja Verkefni sem nefndinni er falið í stefnumótun sem unnin var í framhaldi af íbúaþingi. Umræður um samstarfsvettvang fyrir fyrirtæki á svæðinu til að samnýta þjónustuaðila sem verið er að fá á svæðið. Nefndin áætlar að hitta atvinnurekendur á svæðinu, 25.febrúar kl.16:00 og fara yfir ýmis málefni með þeim s.s. samstarfsvettvang og þróun atvinnu á svæðinu. 2. 2001020 - Atvinnustefna - Heimavinnsla Verkefni sem nefndinni er falið í stefnumótun sem unnin var í framhaldi af íbúaþingi. Nefndin óskar eftir að fá aðila sem standa fyrir verkefni um uppsetningu heimavinnslustöðvar innan Dalabyggðar á næsta fund nefndar til að fara yfir málið. 3. 2001019 - Atvinnustefna - Laða að opinber störf Verkefni sem nefndinni er falið í stefnumótun sem unnin var í framhaldi af íbúaþingi. Nefndin tekur umræðu um málaflokkinn, telur það mikilvægt að haldið sé vel utan um þau opinberu störf sem hafa fundið sér stað á svæðinu. 4. 1909020 - Atvinnustefna - Þrífasa rafmagn í Dalabyggð. Verkefni sem nefndinni er falið í stefnumótun sem unnin var í framhaldi af íbúaþingi. Úr fundargerð 234. fundar byggðarráðs 24.10.2019, dagskrárliður 14: 1909020 - Þrífasa rafmagn í Dalabyggð. Það er farið að koma alvarlega við starfsemi mjólkurframleiðenda (t.d. Leiðólfsstaðir, Lyngbrekka, Saurstaðir og Skerðingsstaðir) í Dalabyggð að þeir hafa ekki aðgang að þrífasa rafmagni. Byggðarráð leggur áherslu á að RARIK veiti tengingum við þessa staði forgang auk þess sem tryggja þarf þrífasa rafmagn til ferðaþjónustuaðila. Samþykkt samhljóða. Nefndin tekur umræðu um aðstæður og þörf fyrir þrífasa rafmagn á svæðinu, sérstaklega í tengslum við atvinnurekstur og búsetuskilyrði. Nefndin áætlar að fá verkstjóra framkvæmdasviðs RARIK á Vesturlandi á fund til upplýsingar. Nefndin tekur einnig undir bókun Byggðarráðs af 234.fundi um þrífasa rafmagn í Dalabyggð. Samþykkt er inn á fund nefndarinnar mál um umsóknir um framkvæmdarleyfi til skógræktar á lögbýlum. 5. 2001010 - Umsóknir um framkvæmdaleyfi til skógræktar á lögbýlum Nefndin telur mikilvægt að flokkun landbúnaðarlands í Dalabyggð liggi fyrir í mars eins og áætlað er. Nefndin áætlar að fá formann félags skógarbænda á Vesturlandi á fund nefndarinnar. Mál til kynningar 6. 1911005 - Klofningur, áningastaður - hönnun og undirbúningur Unnið er að hönnun og undirbúning að stígagerð og bættu aðgengi að hringsjá á Klofning, í samræmi við vilyrði um styrk úr framkvæmdasjóði ferðamannastaða. Gera þarf þarfagreiningu til að móta verkefnið nánar. Málið kynnt nefnd. 7. 1911024 - Áfangastaðaáætlun Fundargerð fyrsta fundar áfangastaðafulltrúa. Málið kynnt nefnd. 8. 1911012 - Verkefnisstjóri atvinnu-, markaðs- og menningarmála Jóhanna María Sigmundsdóttir verkefnisstjóri atvinnu-, markaðs- og menningarmála hóf störf í byrjun janúar. Pálmi Jóhannsson víkur af fundi. 9. 1807013 - Vínlandssetur Staða mála varðandi framkvæmdir við Vínlandssetur kynnt. Farið er yfir stöðu verkefnisins, enn lítur út fyrir að verkefnið standist áætlun. Fleira ekki gert. Fundi slitið kl. 17:47
Til baka	Prenta

• Var efni síðunnar hjálplegt?
• JáNei