| |
| 1. 2307001 - Fjárhagsáætlun 2024-2027 | |
| Aðalbókari kynnti stöðu vinnunnar og það hvað er í drögum að fjárhagsáætlun fyrir komandi ár. Rætt var um að gagnlegt væri að kortleggja það hvaða verðmæti Dalabyggð er að leggja til í óbeinum stuðningi við menningarmál, t.a.m. hvað varðar afslætti og/eða gjaldfrjáls afnot af mannvirkjum og framlag starfsmanna við aðstoð ýmiskonar. | | |
|
| 2. 2310001 - Bæjarhátíð 2024 - Heim í Búðardal | |
| Rætt um að kalla eftir hugmyndum frá íbúum Dalabyggðar um efnistök og dagskrá á hátíðinni á komandi sumri og einnig hvort og þá hverjir væru tilbúnir til að standa fyrir viðburðum á hátíðinni. Kallað verði eftir hugmyndum fyrir næsta fund menningarmálanefndar sem fyrirhugaður er í byrjun nóvember. Nákvæm tímasetning hátíðarinnar árið 2024 verði ákveðin í framahaldi af þeim fundi. | | |
|
| 3. 2302001 - Skilti og merkingar í Dalabyggð 2023 | |
| Rætt um skilti og merkingar í Dalabyggð, bæði á lögbýlum, eyðibýlum og öðrum markverðum stöðum í sveitarfélaginu. | | |
|
| |
| 4. 2302009 - Safnamál Dalabyggðar 2023 | |
| Nú er ljóst að Staðarfell er ekki lengur inn í myndinni sem framtíðar staður fyrir byggðarsafn Dalabyggðar. Í verkefnaáætlun DalaAuðs voru nokkur markmið í menningarmálum tengd uppbyggingu byggðarsafns að Staðarfelli og því ljóst að leita þarf annarra lausna og vill menningarmálanefnd kalla eftir skýrri sýn þar að lútandi frá byggðarráði og sveitarstjórn Dalabyggðar þannig að það liggi fyrir þegar drög að fjárhagsáætlun sveitarfélagsins verða kynnt í nóvember n.k. | | |
|
