Til baka	Prenta
Fræðslunefnd Dalabyggðar - 130 Haldinn í stjórnsýsluhúsinu í Búðardal, 30.04.2024 og hófst hann kl. 15:00 Fundinn sátu: Ingibjörg Þóranna Steinudóttir formaður, Jón Egill Jóhannsson aðalmaður, Guðrún B. Blöndal aðalmaður, Þórey Björk Þórisdóttir aðalmaður, Björn Bjarki Þorsteinsson sveitarstjóri, Jóna Björg Guðmundsdóttir Verkefnastjóri, Svanhvít Lilja Viðarsdóttir fulltrúi starfsmanna, Fundargerð ritaði: Björn Bjarki Þorsteinsson, Sveitarstjóri Herdís Gunnarsdóttir skólastjóri sat fundinn undir liðum 1, 2, 3, 4 og 7 í gegnum fjarfundarbúnað. Jón Egill Jónsson íþrótta- og tómstundafulltrúi sat fundinn undir liðum 5, 6 og 7. Dagskrá:  Almenn mál 1. 2308003 - Auðarskóli málefni grunnskóla 2023-2024 Rætt um málefni grunnskólans. Skólastjóri fór yfir stöðu mála í Auðarskóla. Farið yfir málefni skólans hvað varðar starfsmannamál og innra skipulag. Verið er að undirbúa starfið næsta skólaár hvað varðar skipulag og unnið er að ráðningum starfsmanna. Nemendur verða 70 næsta skólaár í grunnskólanum. Unnið er að undirbúningi þess að koma á farsældarteymi, forvarnarteymi og unnið að gerð umbótaáætlunar fyrir næsta skólaár. Verið er að undirbúa vorferðalög og ýmislegt annað tengt þessum síðustu vikum skólaársins sem nú eru í gangi. 2. 2308004 - Auðarskóli, málefni leikskóla 2023-2024 Rætt um málefni leikskóla. Skólastjóri fór yfir stöðu mála í leikskóla. Farið yfir málefni skólans hvað varðar starfsmannamál og innra skipulag. Sveitaheimsókn verður í næstu viku og vorferðalag í júní. Í bígerð er undirbúningur sumarhátíðar í leikskólanum, í góðu samstarfi við foreldrafélagið og einnig er frekara samstarf og samvinna í burðarliðnum. Frá hausti er reiknað með 24 börnum í leikskólanum. 3. 2301030 - Menntastefna Dalabyggðar 2024 - 2029 Kynnt fyrirliggjandi drög að uppsettri menntastefnu Dalabyggðar fyrir árin 2024 - 2029. Á döfinni er að undirbúa kynningu og innleiðingu stefnunnar á næstunni. Samþykkt að vinna málið áfram. 4. 2404022 - Tónlistarskóli 2024 Rætt um málefni tónlistarskólans m.a. með það fyrir augum hvort mögulegt sé að rýmka heimildir til starfsemi hans með það fyrir augum að gefa fleirum tækifæri til tónlistarnáms í Dalabyggð. Rætt um málefni tónlistarskólans og starfsmannamál. Einnig var rætt um hvort eða hvernig hægt væri að opna á nám fyrir eldri nemendur en þá sem eru í grunnskóla og eins hvort hægt væri og heimilt að nýta aðstöðuna sem um er að ræða fyrir aðra en nemendur skólans. Fræðslunefnd felur starfsmönnum nefndarinnar að kanna hvort fordæmi séu til fyrir slíku verkefni í öðrum sveitarfélögum. 5. 2403007 - Starfshópur um skipulag íþrótta-, æskulýðs- og tómstundastarfs í Dalabyggð 2024 Formaður starfshópsins kynnti stöðu mála í vinnunni en 3 fundir hafa nú verið haldnir. 6. 2208010 - Tómstundir í Dalabyggð Rætt um stöðu tómstundastarfs í Dalabyggð og undirbúning starfs í málaflokknum n.k. sumar. Fræðslunefnd fagnar því hvar verkefnið er statt og þakkar Íþróttafélaginu Undra fyrir frumkvæðið. Boðið verður upp á tómstundaakstur og mun verða boðið upp á þeir sem verða í vinnuskólanum geti nýtt aksturinn meðan tómstundastarfið er. 7. 2404019 - Eldhugarnir Framlagt erindi frá Þorgrími Þráinssyni sem ber heitið Eldhugarnir. Fræðslunefnd þakkar Þorgrími erindið, farið yfir margar af þeim góðu ábendingum sem fram koma í erindi Þorgríms og ánægjulegt að sjá að verið sé að gera ýmislegt af þeim þáttum sem fram koma í skólastofnunum Dalabyggðar og í samfélaginu. Samþykkt að bjóða Þorgrími í heimsókn í Dalina á haustmánuðum, á fund með fræðslunefnd og einnig í heimsókn í skólana okkar í tengslum við verkefnið. Eldhugarnir.pdf Fleira ekki gert. Fundi slitið kl. 17:00
Til baka	Prenta

• Var efni síðunnar hjálplegt?
• JáNei