Það verður heitt á könnunni og þær Anna Rósa Guðmundsdóttir og Harpa Hrönn Finnbogadóttir, þjónusturáðgjafar í útibúi Sjóvá í Borgarnesi og á Akranesi, taka á móti þér með bros á vör og veita þér persónulega ráðgjöf og þjónustu, hvort sem það er tengt tryggingum fyrir þig og fjölskylduna eða fyrirtækið þitt. Hvar: Nýsköpunar- og frumkvöðlasetri Dalabyggðar, Miðbraut 11 Hvenær: Fimmtudaginn 15. maí frá kl. 12-18

Laugardaginn 7. júní er komið að tíunda prjónakaffinu og að því tilefni fáum við gesti í heimsókn. Þórunn Lilja frá Skarði ætlar að koma og selja kerti sem hún er að framleiða undir Daley kerti. Ingibjörg ætlar að kynna fyrir okkur Urður ullarvinnslu sem er ný opnuð í Rauðbarðarholti og Dögg í Hvítadal verður með kindapúða til sölu sem hún er að hekla. Heitt á könnunni og allir velkomnir.

Verið velkomin á sumarhátíð Eiríksstaða helgina 12.-13. júlí Það verður fjölmargt í boði en þemað í ár er handrit og handritagerð, því núna viljum við vinna tilraunafornleifafræðirannsóknir á því hvernig miðalda handrit, eins og t.d. Hauksbók (sem Eiríks saga rauða er m.a. skrifuð í), voru verkuð og unnin Þetta verður hátíð upplifana þar sem einvala lið sérfræðinga kemur víðsvegar að úr Miðgarði. Fylgist með viðburðinum vaxa og sjáið hverjir munu koma til okkar á þessa skemmtilegu og fræða...

Hin árlega Sturluhátíð verður haldin á Staðarhóli og félagsheimilinu Tjarnarlundi laugardaginn 12. júlí nk. Hátíðin hefst um kl. 14 á Staðarhóli, jörð Sturlu Þórðarsonar, með því að síðasta söguskiltið verður afhjúpað. Gengið verður um Staðarhólinn ásamt fróðu fólki um söguna, og litast um nágrennið frá sjónarhóli sagnaritarans mikla. Að því búnu verður haldið að félagsheimilinu Tjarnarlundi, sem er í næsta nágrenni og þar hefst hin hefðbundna dagskrá, svo sem hér segir: Satt og logi...

Pósthlaupið er 50 km utanvegahlaup frá Hrútafirði yfir í Búðardal (600 m hækkun, 2 ITRA-stig). Í boði er einnig að hlaupa hálfa leið um 26 km (1 ITRA-stig), 12 km leið eða síðasta spölinn í Búðardal 7 km. Hlaupið fer fram laugardaginn 26. júlí. Leiðarlýsing Pósthlaupið er um 50 km utanvegahlaup sem hefst við Bálkastaði í Hrútafirði. Hlaupin er gömul landpóstaleið yfir Haukadalsskarð vestur í Haukadal og sem leið liggur niður dalinn, meðfram Haukadalsvatni, niður á reiðstíg við Vestfjarðaveg ...