Fréttir.

Miðvikudaginn 11. mars kl. 17 mæta fulltrúar Menntaskóla Borgarfjarðar og kynna starfsemi dreifnámsdeildarinnar í Búðardal og mögulegt námsframboð. Fundurinn verður í Auðarskóla. Foreldrar og nemendur í 8. – 10. bekk eru hvattir til að mæta.

Ráðstefna um lífrænan úrgang verður haldin 20. mars kl. 10-17 í Gunnarsholti á Rangárvöllum. Þar verður fjallað á margvíslegan hátt um þá möguleika sem felast í nýtingu lífræns úrgangs, meðal annars til skógræktar og landgræðslu. Í hádegishléi verður í boði léttur málsverður. Viðfangsefni ráðstefnunnar er nýting þeirra verðmæta sem felast í lífrænum úrgangi. Fjallað verður um hugtökin úrgang og hráefni

Dalabyggð gerði fyrir nokkru samning við Náttúran.is um gerð endurvinnslukorts á vef Dalabyggðar. Er það nú komið á vefinn. Tilgangur endurvinnslukortsins er að: · fræða almenning um endurvinnslu · hvetja fólk til að minnka magn óflokkaðs sorps í heimilistunnum · gefa yfirlit um hvar á landinu er tekið við hverjum endurvinnsluflokki. Endurvinnslukort sveitarfélaganna fela m.a. í sér eftirfarandi þjónustu: •

Búið er að gera aðstöðu fyrir blak í Dalabúð. Hafi einhver áhuga á að smala í hóp og spila blak þar, þarf bara að hafa samband við íþrótta- og tómstundafulltrúa með framhaldið. Netfangið er tomstund@dalir.is

Þriðjudaginn 17. mars verður haldinn íbúafundur um ljósleiðaramál í Dalabúð og hefst hann kl. 20:00. Á fundinn mætir m.a. Haraldur Benediktsson Alþingismaður, formaður starfshóps um alþjónustu í fjarskiptum og mun hann kynna niðurstöðu starfshópsins. Vonast er til að niðurstöðurnar leiði til átaksverkefnis um lagningu ljósleiðara um dreifbýli landsins. Dalamenn þurfa að taka höndum saman til að tryggja að dreifbýli Dalabyggðar

Sunnudaginn 8. mars kl. 15 mun Sveinn Ragnarsson á Svarfhóli í Geiradal segja frá mannlífi og sögu í Austur-Barðastrandarsýslu í sögustund á Byggðasafni Dalamanna. Austur-Barðastrandarsýslu nær frá sýslumörkum við Dalasýslu í botni Gilsfjarðar að Kjálkafirði í vestri, auk fjölda eyja. Sýslan er nú eitt sveitarfélag (Reykhólahreppur), en áður voru þar fimm hreppar. Allir eru velkomnir og aðgangseyrir er 500 kr.

Sveitarstjórn Dalabyggðar samþykkti þann 17. febrúar 2015 að auglýsa lýsingu á nýrri deiliskipulagstillögu skv. 41. gr. skipulagslaga nr. 123/2010. Lýsing deiliskipulagstillögunar felur í sér eftirfarandi; Skáley er staðsett á innanverðum Hvammsfirði nærri Dagverðarnesi í Dalabyggð. Í Skáley eru engar nýtanlegar byggingar lengur og er fyrirhugað að byggja frístundarhús, bátaskýli ásamt bryggju fyrir heilsársnotkun. Megin markmið deiliskipulagsins er að fá gistimöguleika

Sunnudaginn 1. mars kl. 15 mun safnvörður segja frá Saura-Gísla og samferðamönnum hans. Gísli Jónsson var fæddur 8. apríl 1820 í Rauðbarðaholti. Hann var sjöunda barn Jóns betri Jónssonar og Helgu Helgadóttur þar á bæ. Gísli var lengst af bóndi á Saurum í Laxárdal, en einnig nokkur ár á Sauðafelli í Miðdölum. Kona hans var Kristín Jóhannesdóttir frá Saurum, auk

Töltmóti Glaðs verður laugardaginn 28. febrúar í Nesoddahöllinni og hefst stundvíslega klukkan 13. Keppt í polla-, barna-, unlinga-, ungmenna, karla- og kvennaflokkum ef næg þátttaka fæst. Upplýsingar um fyrirkomulag keppni, skráningu og annað er að finna á heimasíðu Glaðs. Glaður

Ungmennasamband Dalamanna og Norður-Breiðfirðinga (UDN) hefur leitað eftir styrktaraðilum í Dölum og Reykhólasveit. Fyrsti styrktarsamningurinn hefur verið gerður við Samkaup-Strax. UDN fær 200.000 kr. styrk frá fyrirtækinu og verða þeir peningar notaðir til kaupa á nýjum íþróttabúningum. Samkaup-Strax voru fyrstir til af þeim sem leitað hefur verið til. UDN leitar enn að fleiri styrktaraðilum til uppbyggingar á starfsemi félagsins. Áhugasömum

Kvenfélagið Fjóla heldur sitt annað spilakvöld föstudagskvöldið 20. febrúar kl. 20. Aðgangseyrir 800 kr. fyrir fullorðna, en frítt fyrir 14 ára og yngri. Kaffiveitingar eru að lokinni spilamennsku.

Dalabyggð óskar eftir tilboðum í byggingu þjónustuhúss við tjaldsvæðið í Búðardal. Innifalið í tilboði skal vera allt það sem til þarf til að ljúka verkinu eins og það er skilgreint í útboðsgögnum. Bjóðendur geta nálgast útboðsgögn á skrifstofu Dalabyggðar frá 18. febrúar 2015.