Kynning á framkvæmdaáætlun og spjall um frekari framkvæmdir

Atvinnumálanefnd Dalabyggðar boðar iðnaðarmenn, verktaka og aðra tengda aðila til samtals miðvikudaginn 17. janúar 2024 kl.17:30 í Nýsköpunarsetri Dalabyggðar, 1.hæð Stjórnsýsluhússins að Miðbraut 11 í Búðardal.

Tilgangurinn með spjallinu er að Dalabyggð kynni framkvæmdaáætlun sveitarfélagsins fyrir árið 2024 og nýjar vinnureglur vegna vinnu verktaka fyrir sveitarfélagið, ásamt því að rýna með fundargestum í stöðu annara verkefna, framkvæmda og uppbyggingar sem framundan er hjá verktökum hérna í samfélaginu á árinu.

Það verður heitt á könnunni og við hvetjum ykkur til að mæta og taka samtalið.