02:34
00:26
Ágúst, 2022
06ágú07:4514:00Pósthlaupið 2022Pósthlaupið 2022
Nánari upplýsingar
Pósthlaupið er nýtt 50 km utanvegahlaup frá Staðarskála í Hrútafirði yfir í Búðardal (600 m hækkun). Í boði er einnig að hlaupa hálfa leið, um 26 km eða síðasta spölinn
Nánari upplýsingar
Pósthlaupið er nýtt 50 km utanvegahlaup frá Staðarskála í Hrútafirði yfir í Búðardal (600 m hækkun). Í boði er einnig að hlaupa hálfa leið, um 26 km eða síðasta spölinn í Búðardal, 7 km.
Leiðarlýsing
Pósthlaupið (50 km) hefst við minnismerki um landpósta við Staðarskála í Hrútafirði. Hlaupin er gömul landpóstaleið yfir Haukadalsskarð vestur í Haukadal og sem leið liggur niður dalinn, meðfram Haukadalsvatni, niður á reiðstíg við Vestfjarðaveg í Dölum og áfram gegnum hesthúsahverfið, alla leið í Búðardal. Fyrstu 15 km hlaupsins eru nokkuð á fótinn en eftir það er leiðin meira og minna niður á við eða flöt. Hækkunin er samtals um 600 m og hæsti punktur er í Haukadalsskarði.
Nokkurn veginn á miðri leið er Kirkjufellsrétt (nálægt bænum Smyrlhóli í Haukadal) og þar verður 26 km hlaupið ræst um það bil sem von er á hlaupurum úr Staðarskála.
Loks er hægt að velja síðasta legginn, um 7 km, frá bænum Brautarholti við mynni Haukadals. Hlaupið verður ræst þegar von er á hlaupurum úr lengri hlaupunum.
Sætaferðir verða úr Búðardal að rásmörkum við Staðarskála, Kirkjufellsrétt og Brautarholt. Á leiðinni verður boðið upp á drykkjarstöðvar og brautargæslu. Í marki verður boðið upp á hollar veitingar úr héraði.
Frekari upplýsingar og skráning fer fram á Hlaup.is
Meira
Klukkan
(Laugardagur) 07:45 - 14:00