Taktu þátt í Pósthlaupinu laugardaginn 6. ágúst og styrktu gott málefni í leiðinni.

Pósthlaupið er stórskemmtilegt utanvegahlaup eftir gamalli póstleið frá Staðarskála í Hrútafirði yfir í Búðardal. Þetta er tækifæri til að hlaupa í stórbrotinni náttúru og setja sig í spor landpóstanna sem um aldir fóru um langan veg til að færa fólki í sveitum pakka og bréf. Öll þátttökugjöld renna til Björgunarsveitarinnar Óskar og Ungmennafélagsins Ólafs Pá í Búðardal.

Þrjár vegalengdir eru í boði og rútur fara frá Búðardal á eftirfarandi tímum fyrir hvert hlaup:

• 50 km: Rútan fer frá pósthúsinu í Búðardal kl. 7:45
• 26 km: Rútan fer frá pósthúsinu í Búðardal kl. 10:30
•  7 km: Rútan fer frá pósthúsinu í Búðardal kl. 13:00

Verðlaun verða veitt fyrir þrjú efstu sætin í karla- og kvennaflokkum í hverri vegalengd, auk útdráttarverðlauna.  Nánari upplýsingar og skráning fer fram á Hlaup.is