Fréttir.

Aðalsafnaðarfundur Staðarfellssóknar verður haldinn þriðjudaginn 25. apríl kl. 20:30 á Staðarfelli. Á dagskrá eru venjuleg aðalfundarstörf, kosinn kjörnefndarfulltrúi og fleira. Allir í sókninni eru velkomnir.

Aðalsafnaðarfundur Stóra-Vatnshornssafnaðar verður haldinn að Hömrum í Haukadal, miðvikudaginn 26. apríl 2017 kl. 19:00. Dagskrá fundarins venjuleg aðalfundarstörf, kosinn kjörnefndarfulltrúi og fleira. Allir í sókninni eru velkomnir.

Aðalsafnaðarfundur Hjarðarholtssafnaðar verður haldinn þriðjudaginn, 25. apríl kl. 20:00 í þjónustuhúsi Hjarðarholtskirkju. Á dagskrá eru venjuleg aðalfundarstörf, kjörnefndarfulltrúar kosnir og fleira. Allir í sókninni eru hjartanlega velkomnir.

Aðalfundur Kvennabrekkusóknar verður haldinn á Fellsenda mánudaginn 24. apríl kl. 21. Venjuleg aðalfundarstörf. Allir velkomnir.

Nemendafélag Auðarskóla ætlar að halda félagsvist og páskabingó eins og síðustu ár í Tjarnarlundi. Spiluð verður félagsvist fimmtudaginn 13. apríl kl. 19:30. Það kostar 700 kr. að spila. Sjoppa á staðnum en enginn posi.Páskabingóið verður síðan laugardaginn 15. apríl kl. 19:30. Spjaldið kostar 700 kr. Sjoppa á staðnum og posi.

147. fundur sveitarstjórnar verður haldinn í stjórnsýsluhúsinu í Búðardal, 18. apríl 2017 og hefst kl. 18:00. Dagskrá Almenn mál 1. Ársreikningur 2016 2. Ljárskógar – Upprekstrar- og beitarréttindi Almenn mál – umsagnir og vísanir 3. Frumvörp til umsagnar mars 2017 4. Frumvörp til umsagnar apríl 2017 Fundargerðir til samþykktar 5. Byggðarráð Dalabyggðar – 188 6. Fræðslunefnd Dalabyggðar – 79 7.

Síðasta sögustund Byggðasafns Dalamanna þennan veturinn verður í Mjósundum á Svínadal miðvikudaginn 12. apríl kl. 18:30. Miðað er við mætingu við gönguleið vestan Mjósunda. Veður ræður nokkru um dagskrána. Ef vel viðrar verður gengið að Hvolsseli, en að öðrum kosti verður umhverfi Mjósunda og menningarminjar þar skoðaðar.

Íbúafundur verður haldinn í Dalabúð þriðjudaginn 11. apríl og hefst kl. 20. Á dagskrá eru ársreikningur Dalabyggðar árið 2016, fjárhags- og framkvæmdaáætlun árið 2017, lagning ljósleiðara og fleira. Íbúar Dalabyggðar eru hvattir til að mæta á fundinn og taka þátt í umræðum.

Dalabyggð óskar eftir tilboðum í verkið Auðarskóli, þak 2017 – útboð. Verkið felur í sér rif á núverandi trapizustáli af þaki efri álmu Auðarskóla og klæðningu á bárustáli í staðinn, endurnýja þakpappa, skotrennur, flasningar, kjöljárn o.fl. Einnig endurnýjun burðarvirkis og klæðningu þakkants, skipta um þakrennur og niðurfallsrör. Þakflötur er um 690 m2 og þakkantur er um 100 m. Skiladagur verksins

Dalaveitur ehf. óska eftir tilboðum í lagningu ljósleiðara í dreifbýli Dalabyggðar. Leggja skal ljósleiðaralagnir, ganga frá þeim inn fyrir vegg á tengistöðum og ganga frá yfirborði. Verkið skiptist í þrjá hluta og eru helstu magntölur þessar: Leið 1: Plæging stofn- og heimtauga 25,2 km Leið 2: Plæging stofn- og heimtauga 27,4 km Leið 3: Plæging stofn- og heimtauga 15,4 km

Slökkvilið Dalabyggðar í samvinnu við Lionsklúbbur Búðardals gangast fyrir hleðslu á slökkvitækjum í slökkvistöðinni við Miðbraut í Búðardal. Móttakan verður opin 5.-7. apríl kl. 17-19 og laugardaginn 8. apríl kl. 10-19. Hleðsla fyrir 2 kg duft- og vatnstæki er 3.534 kr og 6/12 kg dufttæki er 4.433 kr. Veittur er 5% afsláttur ef fimm eða fleiri tæki eru frá sama

Fimmtudaginn 6. apríl verður haldin árshátíð nemenda Auðarskóla í Dalabúð kl. 18. Áætlað er að dagskrá og súpa taki allt að tvær klukkustundir, en í ár verður boðið uppá súpu og meðlæti í stað kaffiveitinga. Miðaverð er 1.000 kr fyrir 6 ára og eldri. Allir eru velkomnir; mömmur, pabbar, systur, bræður, ömmur, afar, frænkur, frændur og aðrir velunnarar skólans.