Fréttir.

Drengjakór íslenska lýðveldisins verður með söng- og söguskemmtun föstudaginn 9. nóvember kl. 21 á Villapöbb í Búðardal. Í Drengjakór íslenska lýðveldisins eru hressir drengir á öllum aldri sem bregða á leik með söng í bland við uppistand þar sem félagar bregða á leik. Enginn aðgangseyrir

Opnað hefur verið fyrir íbúagátt undir Island.is þar sem íbúar geta skoðað reikninga sína og stöðu hjá sveitarfélaginu. Vefslóðina að innskráningu má finna hér til hægri undir flýtileiðir og einnig undir Stjórnsýsla, neðst í valmynd til vinstri. Fleiri tengingum verður síðan komið fyrir eftir því sem tilefni gefur til. Við innskráningur er notuð kennitala og varanlegur aðalveflykill ríkisskattstjóra.Aðrir veflyklar ríkisskattstjóra

Félag sauðfjárbænda í Dalasýslu í samstarfi við Gísla Sverri Halldórsson dýralækni heldur fund um lyfjagjöf og sjúkdóma í sauðfé í Dalabúð miðvikudaginn 7. nóvember kl. 20. Til umfjöllunar verða m.a. ormalyfsgjöf, selenskortur í sauðfé, bólusetningar að vori, lungnapest, lungnakregða, garnaveiki og garnaveikibólusetningar. Allir áhugasamir sauðfjárræktendur eru hvattir til að mæta.

Unglingadeild Auðarskóla stendur fyrir vöfflukaffi í Dalabúð miðvikudaginn 7. nóvember kl. 16-18. Vöfflukaffið er haldið til fjáröflunar fyrir ferð unglinganna á Samfés. Á boðstólum verður kaffi, kakó og vöfflur. Skynsamlegt er að koma fyrst við í bankanum og taka með sér aur, en enginn posi verður á staðnum.

Rauðakrossdeildina í Búðardal vantar sjálfboðaliða sem vilja starfa í fjöldahjálparstöð. En deildin hefur umsjón með tveimur slíkum í Búðardal og á Reykhólum. Ítarlegt námskeið um tilgang og störf fjöldahjálpastöðva verður haldið mánudaginn 5. nóvember og þriðjudaginn 6. nóvember kl. 18 til 22 í Auðarskóla. Skráning er í síma 456 3180 . Rauði Krossinn þarf á liðsmönnum að halda.

Strætó hóf akstur á nýjum leiðum um Vesturland þann 2. september 2012, þar á meðal í Dalina.SSV í samvinnu við Strætó hefur nú bætt leiðarkerfið og aðlagað það að þörfum og óskum farþega. Lagfæringarnar taka gildi frá og með sunnudeginum 4. nóvember og hafa þær áhrif á allar áætlanir Strætó á Vesturlandi. Á leið 59 Reykjavík – Hólmavík/Reykhólar um Dalina

94. fundur sveitarstjórnar Dalabyggðar verður haldinn í stjórnsýsluhúsinu í Búðardal, þriðjudaginn 30. október 2012 og hefst kl. 18. Dagskrá Almenn mál 1. Ósk um tímabundna lausn frá sveitarstjórnarstörfum. 2. Sóknaráætlun 2020, tilnefning fulltrúa í samráðsvettvang. 3. Jarðvangur Ljósufjalla. Almenn mál – umsagnir og vísanir 4. Fyrirhuguð niðurfelling Héraðsvega af vegaskrá. 5. Frumvarp til laga um kosningar til Alþingis. 6. Átakið

Nú er vel heppnuðum haustfagnaði FSD um það bil að ljúka og úrslit orðin kunn. Einnig eru nokkrar myndir komnar inn á myndasafnið frá Tona (Birni Antoni Einarssyni) Íslandsmeistarmótið í rúningi 1. Jóhann Hólm Ríkarðsson í Gröf í Laxárdal, Dal. Refsistig 18,717 – 18,733 – 17,650 2. Þórarinn Bjarki Benediktsson á Breiðavaði, A-Hún. Refsistig 20,733 – 18,133 – 19,583 3.

Á morgun föstudag hefst haustfagnaður FSD með lambhrútasýningu á Valþúfu og sviðaveislu á Laugum í Sælingsdal. Lambhrútasýning í Dalahólfi verður á Valþúfu á Fellsströnd og hefst kl. 14. Þar eru skráðir 73 lambhrútar, 47 hyrndir, 15 kollóttir og 11 mislitir/ferhyrndir. Sýningaskrá hefur verið gefin út. Sviðaveislan er í íþróttahúsinu á Laugum í Sælingsdal og verður húsið opnað kl. 19:30. Þar

Skráningu er nú lokið á Íslandsmeistaramótið í rúningi og hafa fimmtán skráð sig til keppni. Keppendur koma víða af landinu og sumir þeirra hokaðir af reynslu, á meðan aðrir eru rétt byrjaðir. Keppendur Arnar Freyr Þorbjarnarson á Harrastöðum Árni Jón Þórðarsson á Arnheiðarstöðum Bergþór Steinar Bjarnason í Hjarðarhlíð Bjarni Kristmundsson frá Giljalandi Björn Björnsson á Ytri-Hóli Gísli Þórðarson í Mýrdal

Menningarfulltrúi Vesturlands, Elísabet Haraldsdóttir, mun hafa viðveru í stjórnsýsluhúsinu í Búðardal miðvikudaginn 24. október kl. 12-14. Þar mun Elísabet kynna styrki Menningarráðs Vesturlands og svara fyrirspurnum. Umsóknarfrestur vegna menningarstyrkja 2013 hjá Menningarráði Vesturlands rennur út 18. nóvember 2012. Nánari upplýsingar, úthlutunarreglur og umsóknarform er að finna á heimasíðu Menningarráðs Vesturlands. Einnig veitir menningarfulltrúi, Elísabet Haraldsdóttir, upplýsingar um styrkina í síma

Föstudaginn 19. október verður skrifstofa Dalabyggðar lokuð frá kl. 12 vegna fundahalda.