Dalir eru fjölskylduvænn áfangastaður, þar er að finna m.a. söguslóðir Laxdælu, Sturlungu og Eiríkssögu rauða. Heimsóknir á sveitabæi, silungsveiði í vötnum, gönguleiðir, fuglaskoðun, söfn, sýningar og margt fleira.
Hér má sjá yfirlit yfir tjaldsvæði í Dalabyggð. Athugið að sveitarfélagið rekur ekki tjaldsvæði, hafa þarf samband við rekstraraðila á hverjum stað fyrir frekari upplýsingar.
Tjaldsvæðið í Búðardal
Tjaldsvæðið er í miðju Búðardals og er á vinstri hönd þegar komið er inn í Búðardal úr suðri eftir þjóðvegi nr. 60. Tjaldsvæðið sem er skjólgott í fallegum trjálundi er opið allt árið.
Þjónustuhús með heitu og köldu vatni, sturtu og þvottaaðstöðu er á svæðinu.
Aðgangur að rafmagni og losun fyrir þurrsalerni.
Í nágrenninu er verslun, veitingastaðir, íþróttmiðstöð, sundlaug, sparkvöllur, leikvöllur og fl.
Vesturbraut, 370 Búðardalur
S: 767-2100
Frekari upplýsingar á www.tjalda.is
Hér má sjá þjónustuhús á tjaldsvæðinu í Búðardal
Hér má sjá skjólgott tjaldsvæðið í Búðardal
Tjaldsvæðið að Laugum
Tjaldsvæðið er að Laugum í Sælingsdal. Þar er góð aðstaða og þar á meðal er sundlaug, rafmagn auk margra fallegra gönguleiða.
Tjaldsvæðið er staðsett að Laugum í Sælingsdal og er 16 km fyrir norðan Búðardal. Á svæðinu er sundlaug og mjög fallegar gönguleiðir í kring. Lækur rennur í gegnum tjaldsvæðið en svæðið skiptist í nokkrar smærri flatir.
Á svæðinu er salerni, heitt og kalt vatn og rafmagn.
Laugar í Sælingsdal, 371 Búðardalur
Frekari upplýsingar á www.tjalda.is
Hérna er horft fram að Laugum
Hérna má sjá sundlaugina að Laugum
Á, Skarðsströnd
Tjaldsvæðið Á, Skarðsströnd er staðsett við sunnanverðan Breiðafjörð og þar er mikið náttúrulíf.
Eldra tjaldsvæðið er staðsett á fallegum stað í þéttum birkiskógi nálægt Ártindum sem er falleg klettamyndun. Nýtt tjaldsvæði hefur verið tekið í notkun sem er á heimatúni við bóndabæinn Á.
Við eldra tjaldsvæði er klósettaðstaða og vaskar en einungis kalt vatn í boði. Á heimatúni bóndabæjarins Á er búið að endurgera mjólkurhúsið sem hreinlætisaðstöðu með klósettum, heitu og köldu vatni. Rafmagn er í boði á túninu og 24 innstungur eru þar í tveimur kössum. Þar er aðstaða til að elda og borða innandyra en þar er eldavél og örbylgjuofn. Einnig er þvottavél og sturta. Á tjaldsvæðinu er einnig búnaður til að losa úr húsbílum.
Á, Skarðsströnd. 371 Búðardal
S: 663-1420 / 434-1420
Frekari upplýsingar á www.tjalda.is
Hérna má sjá fallega náttúru hjá Á
Hérna má sjá loftmynd af Á