Félagsleg ráðgjöf

Félagsmálanefnd Dalabyggðar fer með málefni félagslegrar þjónustu.

Samningur er við Borgarbyggð um félagsþjónustu og þjónustu í barnaverndarmálum. Undir þann samning falla fjárhagsaðstoð, félagsleg ráðgjöf, félagsleg liðveisla og annar stuðningur við fatlað fólk og fjölskyldur fatlaðra barna, leyfisveitingar vegna daggæslu í heimahúsum og barnavernd.

Starfsmenn félagsþjónustu Borgarbyggðar eru Inga Vildís Bjarnadóttir félagsmálastjóri, Elísabet Jónsdóttir ráðgjafi, Telma Eyfjörð félagsráðgjafi, Sigurður Ragnarsson sálfræðingur og Guðrún Kristinsdóttir þroskaþjálfi (veikindaleyfi).

Föst viðvera félagsráðgjafa er í Stjórnsýsluhúsi Dalabyggðar, Miðbraut 11, Búðardal annan og fjórða miðvikudag hvers mánaðar frá kl 13 til 16. Tímapantanir eru í síma 433 7100 eða 898 9222 milli kl. 9 og 15 virka daga.

Auk þess er unnt að hafa samband við félagsþjónustuna símleiðis í síma 433 7100 á milli kl. 9 og 15 aðra virka daga, fá upplýsingar og ráð eða ákveða aðra stund og annan tíma, allt eftir aðstæðum.

Skrifstofa félagsmálastjóra Borgarbyggðar er á Borgarbraut 14 í Borgarnesi. Sími 433 7100 og fax 433 7101

Á vegum Félags- og tryggingamálaráðuneytis er starfandi úrskurðarnefnd félagsþjónustu og húsnæðismála. Þangað er m.a. unnt að skjóta ákvörðun félagsmálanefndar samkvæmt lögum nr. 40/1991 um félagsþjónustu sveitarfélaganna. Ákvörðun barnaverndarnefndar er unnt að kæra til kærunefndar barnaverndarmála samkvæmt barnaverndarlögum nr. 80/2002.

  • Var efni síðunnar hjálplegt?
  • Nei