Íslenska gámafélagið hefur samning um sorphirðu í Dalabyggð.
Dagatal sorphirðu 2024
Flokkunarleiðbeiningar, október 2024
Upptaka frá kynningarfundi vegna breytinga á sorphirðu í Dalabúð 21. október.
SORPHIRÐA FRÁ HEIMILUM
Í Dalabyggð hefur verið þriggja tunnu kerfi frá vorinu 2020 og hafa öll heimili í sveitarfélaginu ílát fyrir endurvinnanlegt sorp, lífrænan úrgang og almennt sorp (óendurvinnanlegt).
Í október er unnið að innleiðingu á breyttu tunnukerfi þar sem fjórða tunnaun bætist við. Við það er endurvinnslan aðgreind í plast annars vegar og pappír og pappa hins vegar. Lagt er upp með ákveðna samsetningu íláta í þéttbýli og dreifbýli (sjá meðfylgjandi töflu). Á bakhlið dreifibréfs sem sent hefur verið á öll heimili er umsóknareyðublað um breytingar út frá almennri samsetningu íláta. Sjá nánar í fréttum: Breyting á sorphirðu – dreifing nýrra íláta og Sorphirða – upptaka frá kynningarfundi
Dreifing íláta fer fram samhliða losun á græntunnu, 4. nóvember sunnan Búðardals. Dreifing í Búðardal og vestursýslu fer fram um 28. nóvember.
- Almennur úrgangur fer til urðunar á Fíflholtum á Mýrum.
- Gámafélagið flokkar endurvinnanlegan úrgang og kemur áfram til endurvinnslu hjá fyrirtækjum innan- og utanlands.
- Gámafélagið moltar lífrænan úrgang sem er safnað í Dalabyggð.
Við minnum á að sorptunnur þurfa að vera aðgengilegar (sem næst götu) og að fljótlegt sé að ná í þær og skila þeim aftur við sorphirðu. Gott er að hafa það í huga ef að íbúar ætla að útfæra festingar eða skýli sjálfir. Ílátin eru í eigu sveitarfélagsins, en íbúar bera ábyrgð á að koma þeim fyrir og verja fyrir veðri og vindum.
FRÍSTUNDAHÚS/SUMARHÚS:
Í Dalabyggð hafa eigendur frístundahúsa/sumarhúsa aðgengi að grenndarstöðvum sem eingöngu er ætlaður fyrir heimilissorp.
Á hverjum stað er að finna kör fyrir almennt sorp (óendurvinnanlegt), endurvinnanlegt sorp og lífrænan úrgang, sbr. flokkun frá heimilum. Festingar eru á lokum svo þau fjúki ekki upp. Mikilvægt er að þeim sé lokað aftur eftir losun!
Fleiri grenndarstöðvar eru til staðar yfir sumartímann. Kort yfir heilsárs-og sumarstöðvar má sjá á korti með því að smella hér: Grenndarstöðvar frístundahúsa í Dalabyggð
FYRIRTÆKI OG STOFNANIR:
Íslenska gámafélagið býður upp á þjónustu fyrir rekstraraðila á svæðinu. Hægt er að hafa samband við Íslenska gámafélagið fyrir frekari upplýsingar eða tilboð. Grenndarstöðvar eru ekki fyrir úrgang eða sorp frá fyrirtækjum eða aðilum sem ekki greiða sorphirðugjöld í Dalabyggð.
TIMBUR- OG JÁRNGÁMAR:
Sveitarfélagið stendur fyrir söfnun brotajárns og á lituðu timbri í dreifbýli á sumrin. Fyrirkomulag hefur verið aðeins breytilegt og er auglýst á vorin.
Spurningum og ábendingum skal beina til skrifstofu Dalabyggðar í síma: 430-4700 eða á dalir@dalir.is