Kæru íbúar! Verið hjartanlega velkomin á íbúafund DalaAuðs 2024!
Dagskráin verður bæði fróðleg og skemmtileg í ár. Fundurinn verður opnaður með borðkynningum ýmissa aðila sem fengið hafa styrk úr DalaAuði og lýkur fundinum svo á tveimur kynningum en Inginbjörg Þóranna Steinudóttir mun segja okkur frá Ullarvinnslu í Dölum og Halla Sigríður Hrefnu Steinólfsdóttir mun segja okkur frá geitaostunum frá Fagradal.
Nýtt deiliskipulag í Hvammi verður kynnt og farið verður yfir stöðu verkefnisins DalaAuðs. Þá munu íbúar fá tækifæri til að tala saman og setja niður og yfirfara verkefnabanka DalaAuðs fyrir næsta ár.
Kaffiveitingar í boði á meðan fundi stendur. Ég vona að ég sjái ykkur sem flest,
Linda Guðmundsdóttir
Verkefnisstjóri DalaAuðs
DAGSKRÁ ÍBÚAFUNDAR í Dalabúð 17. október 2024
17.00 – Kaffi og frumkvöðlar – Íbúafundurinn hefst á opnum borðkynningum ýmissa styrkþega.
Íbúum gefst þar tækifæri til að hitta styrkþega og kynnast verkefnum sem hlotið hafa styrk úr frumkvæðissjóði DalaAuðs.
17.30 – Fundadagskrá hefst – Linda Guðmundsdóttir setur fundinn.
17.35 – Deiliskipulag, Hvammarnir – Kynning frá sveitarfélaginu um átak í uppbyggingu húsnæðis.
17.45 – Staða DalaAuðs – Linda Guðmundsdóttir fer yfir stöðu verkefnis.
18.00 – Vinnustofa íbúa – Íbúar setja niður hugmyndir í verkefnabanka DalaAuðs fyrir næsta ár.
18.30 – Niðurstöður vinnustofu
18.45-19.00 – Kynningar á frumkvöðlaverkefnum í Dalabyggð.
– Urður Ull – Ingibjörg Þóranna Steinudóttir segir frá fyrirhugaðri ullarvinnslu í Dalabyggð.
– Fagradalsostar – Halla Sigríður Hrefnu Steinólfsdóttir segir frá geitum og ostunum sem hún er að framleiða í samstarfi við Erpsstaði.
19.00 – Fundi lokið