Íbúakosningar um tillögu um sameiningu Dalabyggðar og Húnaþings vestra hafa nú staðið yfir frá 28. nóvember, en þeim lýkur laugardaginn 13. desember nk. Þann dag verða kjörstaðir opnir í Félagsheimilinu Hvammstanga og í Stjórnsýsluhúsi Dalabyggðar frá kl. 09:00-17:00 (sjá nánar um opnunartíma kjörstaða hér)
Kosningaþátttaka er mjög áþekk í sveitarfélögunum tveimur m.v. stöðuna nú í upphafi loka viku kosninganna.
Þegar þetta er ritað hefur 61 kjósandi af 541 á kjörskrá í Dalabyggð kosið eða 11,3% .
Í Húnaþingi vestra hafa 110 kjósendur af 981 á kjörskrá kosið eða 11,2%.
Alls hefur því 171 kjósandi af 1.522 á kjörskrá skilað atkvæði eða 11,2%.
Samstarfsnefnd hvetur íbúa eindregið til að taka þátt í kosningunum.