Fréttir.

Vinnuskóli Dalabyggðar verður rekinn í sumar með sama sniði og undanfarin ár, vinnan hefst mánudaginn 6. júní kl. 8:00. Vinnuskólinn er fyrir unglinga fædda árin 1995 til 1998. Umsóknareyðublöð eru á www.dalir.is og á skrifstofu Dalabyggðar. Umsóknarfrestur hefur verið framlengdur til 31. maí. Sveitarstjóri

Óskum við Eyþóri Inga Jónssyni frá Sælingsdalstungu til hamingju með titilinn bæjarlistamaður Akureyrar 2010-2011 og áframhaldandi velfarnaðar í starfi. Eyþór Ingi Jónsson er organisti við Akureyrarkirkju og kórstjóri. Frétt á vef Akureyrarbæjar

73. fundur sveitarstjórnar Dalabyggðar verður haldinn fimmtudaginn 5. maí 2011 og hefst kl. 17:00 í Stjórnsýsluhúsinu í Búðardal. Dagskrá 1. Skýrsla sveitarstjóra. 2. Fundargerð sveitarstjórnar frá 7. apríl 2011. Fundargerðir til staðfestingar 3. Fundargerð byggðarráðs frá 3. maí 2011. 4. Fundargerðir til kynningar 5. Fundargerð skólanefndar Fjölbrautarskóla Vesturlands frá 5. apríl 2011 6. Fundargerð 5. aðalfundar Menningarráðs Vesturlands frá 18.

Harmonikudagurinn er laugardaginn 7. maí og af því tilefni verða harmonikutónleikar í Dalabúð kl. 16. Harmonikunemendur spila undir stjórn Halldórs Þ. Þórðarsonar kennara síns. Og harmonikuhljómsveit Nikkólínu mun spila fjörug lög. Aðgangseyrir er 1.000 kr og eru veitingar innifaldar; kaffi, djús og kökur. Athugið að enginn posi er á staðnum.

Skátafélagið Stígandi verður með árlega bæjarhreinsun í Búðardal fimmtudaginn 5. maí. Mæting er við Dalabúð kl. 15:30 með hanska. Öllum er velkomnið að leggja skátunum lið og eru íbúar hvattir til að snyrta í kringum hús sín.

Matráður óskast að Dvalarheimilinu Silfurtúni í Búðardal. Um er að ræða afleysingar í sumar og síðan 70% stöðugildi eftir 20. júlí. Viðkomandi þarf að hafa áhuga á eldhússtörfum og einhverja reynslu. Þarf helst að geta byrjað 1. maí n.k. Upplýsingar gefur Ingibjörg Kristjánsdóttir í síma 434 1218

Félagsþjónustan verður með viðveru mánudaginn 2. maí í stað þriðjudagsins 3. maí. Hægt er að hafa samband við starfsmenn félagsþjónustunnar í síma 433 7100 á milli kl. 9 og 15 aðra virka daga, fá upplýsingar og ráð eða ákveða aðra stund og annan tíma, allt eftir aðstæðum. Skrifstofa félagsmálastjóra Borgarbyggðar er á Borgarbraut 14 í Borgarnesi. Sími 433 7100 og

21. apríl – skírdagur Kvennabrekkukirkja Ferming og skírn kl. 14. Prestur er sr. Halldór Reynisson. Fellsendi, hjúkrunarheimili Helgistund kl. 16. Lesið úr passíusálmunum. Prestur er sr. Halldór Reynisson. Snóksdalskirkja Helgistund kl. 20. Lesið úr passíusálmunum. Prestur er sr. Halldór Reynisson. 24. apríl – páskadagur Hjarðarholtskirkja Hátíðarguðþjónusta kl. 11. Prestur er sr. Halldór Reynisson. Silfurtún, dvalar- og hjúkrunarheimili Helgistund kl. 13:30.

Leikfélag Hólmavíkur frumsýnir gamanleikinn Með táning í tölvunni á miðvikudaginn kemur, þann 20. apríl kl 20 í Félagsheimilinu á Hólmavík. Höfundur verksins er Ray Cooney en leikstjóri er Arnar S. Jónsson. Um er að ræða nútímalegt verk sem hefur allt til að bera sem prýðir góðan gamanleik. Sjö leikarar fara með hlutverk og eru nokkrir þeirra að stíga í fyrsta

Foreldrafótbolta sem vera átti kl. 17 í dag er frestað vegna snjóa.

Breytingar verða á sorphirðu í þessari viku í Búðardal. Í stað fimmtudags (sumardagsins fyrsta/skírdags) eins og skráð er í sorphirðudagatali fer sorphirða fram á miðvikudag.

Mikið fellur til af rúlluplasti hér í Dölum. Í dag og á morgun eru söfnunardagar rúlluplasts í Dalabyggð. Rúlluplasti er safnað á lögbýlum fjórum sinnum á ári, bændum að kostnaðarlausu. Næsta söfnun er í byrjun júlí. Urðun eða brennsla sorps, þ.m.t. rúlluplasts, er með öllu óheimil heima á bæjum samkvæmt lögum nr. 55/2003 um meðhöndlun úrgangs og skv. reglugerð nr.