Fréttir.

Landssöfnun Lions 8. – 10. apríl 2011. Helgina 8. – 10. apríl fer fram landssöfnun Lions, Rauða fjöðrin, til styrktar TALGERVLA-verkefni Blindrafélagsins. Talgervill er tölvubúnaður sem breytir texta á tölvutæku formi í upplestur. Nýr vandaður íslenskur talgervill mun hafa mjög jákvæð áhrif á lífsgæði mörg þúsund blindra, sjónskertra, lesblindra og hreyfihamlaðra íslendinga. Verkefnið er einnig verðmætt málræktarverkefni fyrir íslenska tungu

Sveitarfélagið Dalabyggð er aðili að grænum apríl. Grænn apríl er verkefni sem hópur áhugafólks um umhverfismál hrinti í framkvæmd. Tilgangurinn er að vinna að því að gera aprílmánuð að grænum mánuði á Íslandi þar sem lögð er áhersla á að kynna og bjóða upp á upplýsingar um þekkingu, vöru og þjónustu sem telst vera græn og umhverfisvæn. Umhverfismál eru viðamikill

Karlakórinn Söngbræður úr Borgarfirði heldur söngskemmtun í Árbliki í kvöld kl. 20:30. Fjölbreytt og skemmtileg dagskrá. Stjórnandi kórsins er Viðar Guðmundsson og undirleikari Stefán Jónsson. Karlakórinn Söngbræður hefur starfað í Borgarfirði síðan 1978, en það haust hófu nokkrir menn í innstu sveitum héraðsins að syngja saman fjórraddað í félagsheimili sínu, Búðarási.

Farið er fram á skráningu á nokkra viðburði Jörfagleði. Gestir hátíðarinnar eru beðnir að hafa það í huga og skrá sig við fyrsta tækifæri. Eftirtaldir viðburðir eru háðir skráningu Viðburður Netfang Sími Dansnámskeið jorfagledi2011@gmail.com 695 0317 Herdís Davíðsmótið jorfagledi2011@gmail.com 434 1218 Ingibjörg Fótboltamót UDN 844 7247 Kristján Gauti Markaður jorfagledi2011@gmail.com 695 0317 Herdís Ferð fyrir strandir jorfagledi2011@gmail.com 893 3211 Halla

Dagskrá Jörfagleði er nú tilbúin og verður dreift um Dali og Reykhólasveit eftir helgi. Hana má einnig nálgast hér á vef Dalabyggðar með því að fara í flipann lengst til hægri hér að ofan eða efst í flýtileiðum. Skráðir eru 32 viðburðir á hátíðinni. Hægt er að kynna sér efni einstakra viðburða í valmynd til hægri undir Jörfagleði. Og ef

72. fundur sveitarstjórnar Dalabyggðar verður haldinn fimmtudaginn 7. apríl 2011 og hefst kl. 16:00 í Stjórnsýsluhúsinu í Búðardal. Dagskrá 1. Skýrsla sveitarstjóra.2. Fundargerð sveitarstjórnar frá 15. mars 2011. Fundargerðir til staðfestingar 3. Fundargerð byggðarráðs frá 22. mars 2011. 4. Fundargerð 27. fundar Menningar- og ferðamálanefndar. Fundargerðir til kynningar 5. Fundargerð stjórnar Sorpurðunar Vesturlands frá 11. mars 2011. Mál nr. 11020316.

Starf húsvarðar í Tjarnarlundi er laust frá 1. maí n.k. Áhugasamir hafi samband við sveitarstjóra á skrifstofu Dalabyggðar.

Jóhann Pálmason glímuþjálfari Glímufélags Dalamanna fór með 12 krakka á grunnskólamót og Íslandsglímuna sem var á Reyðarfirði laugardaginn 2. apríl. Dalamenn náðu góðum árangri á mótinu eins og sjá má hér á eftir. Grunnskólamótið Guðbjartur Rúnar Magnússon og Sunna Björk Karlsdóttir náðu bæði meistaratitlum í sínum flokki, þ.e. þau eru hvort um sig grunnskólameistarar í 9. bekk. Kristinn Helgi Bogason

Fyrri hluti spurningakeppni sem halda átti þriðjudaginn 5. apríl fellur niður og munu öll skráð lið keppa á Jörfagleði sunnudagskvöldið 17. apríl. Spurningakeppni 17. apríl verður nánar auglýst síðar. Einar og Svala

Sauðfjárbændur í Strandasýslu eru nú á ferð um vestanverða Dali að skoða sauðfjárbú. Ferðin hefur þó ekki gengið áfallalaust. Hrútfirðingar urðu olíulausir í Laxárdalnum og skemmtu Norðanmenn sér vel yfir því. En þeim var ekki eins skemmt þegar rútan þeirra bilaði í Saurbænum og urðu þeir að senda eftir „nýrri“ frá Hólmavík. Þeir munu keyra fyrir Strandir og koma við

Frétt hér á vef Dalabyggðar í gær um svartan svan á ferð um Hvammsfjörð flokkast víst yfir aprílgabb. En verður að teljast frekar saklaust miðað við prestinn á Skarðsströndinni sem lét vinnumann sinn skreppa til Reykjavíkur til að eiga orð við biskupinn. Einn af fyrstu vorboðunum er þegar fer að heyrast í álftunum. En í morgun brá einum Hörðdælinginum við

Um helgina verður haldið þriðja Húmorsþing Þjóðfræðistofu á Hólmavík. Þingið er bæði vetrarhátíð og málþing um húmor sem fræðilegt viðfangsefni. Munu fræðimenn fjalla þar um húmor útfrá ýmsum forsendum. Meðal fyrirlesara og listamanna verða Íris Ellenberger, Ása Ketilsdóttir, Kristinn Schram, Þorsteinn Guðmundsson, Jón Jónsson, Kolbeinn Proppé, Kristín Einarsdóttir og Uppstöðufélagið. Auk fræðilegrar dagskrár verður meðal annars barþraut um íslenska kímni,