Kæru íbúar í Dalabyggð !
Rauðar viðvaranir hafa verið gefnar út vegna roks eða ofsaveðurs á morgun, fimmtudaginn 6. febrúar.
Hættustigi almannavarna hefur verið lýst yfir frá kl. 15 í dag, miðvikudag og gildir það þar til veðrið gengur niður á morgun.
Af þeim sökum verður röskun á starfsemi hjá stofnunum Dalabyggðar sem hér segir fimmtudaginn 6. febrúar:
– Auðarskóli, leik- og grunnskóli, verður lokaður allan daginn.
Skólinn opnar aftur, samkvæmt stundaskrá, föstudaginn 7. febrúar að óbreyttu.
Viðbragðsaðilar eru í viðbragðsstöðu.
Hringja skal í 112 ef þörf er á aðstoð.