Úthlutun Uppbyggingarsjóðs – Yfir 9 milljónir til verkefna í Dalabyggð

Styrkjum að upphæð 48,5 milljónum króna var úthlutað úr Uppbyggingarsjóði Vesturlands til 68 verkefna, við hátíðlega athöfn í Grundarfirði á föstudaginn síðasta. 

Tilgangur Uppbyggingarsjóðs Vesturlands er að styrkja menningar-, atvinnu- og nýsköpunarverkefni á Vesturlandi. Auglýst er opinberlega eftir umsóknum og eru þær metnar út frá þeim markmiðum og áherslum sem koma fram í Sóknaráætlun Vesturlands og reglum sjóðsins.

Það voru 15 verkefni í flokki Atvinnu- og nýsköpunarstyrkja sem skiptu með sér 11.500.000 kr.- og þar af fjögur í Dalabyggð sem fengu samtals 3.000.000 kr.-

Þá voru 47 verkefni í flokki Menningarstyrkja sem skiptu með sér 32.240.000 kr.- og þar voru sjö verkefni úr Dalabyggð sem fengu samtals 3.700.000 kr.-
Vert er að nefna að í þessu flokki eru einnig önnur verkefni sem munu teygja anga sína inn í Dalabyggð, s.s. sýningar og tónleikar, þó að verkefnin séu sprottin annars staðar á Vesturlandi.

Að lokum voru það 6 verkefni sem hlutu Stofn- og rekstrarstyrki en sá flokkur skipti með sér 4.700.000 kr.- og þar af komu 2.400.000 kr.- til þriggja verkefna í Dalabyggð.

Af því leiðir það eru 9.100.000 kr.- sem renna til verkefna í Dalabyggð samkvæmt úthlutun Uppbyggingarsjóðs Vesturlands eða yfir 18% af heildarupphæð styrkja.

Það er mikil gróska í atvinnu- og menningarmálum í Dalabyggð sem og á Vesturlandi öllu og verður virkilega spennandi að fylgjast með þessum verkefnum verða að veruleika og efla samfélagið á fjölbreyttan hátt.

Hér fyrir neðan má sjá heildaryfirlit yfir styrkþega: