Auðarskóli óskar eftir að ráða tónlistarkennara
Við Auðarskóla er laus 100% staða tónlistakennara við tónlistardeild skólans frá og með 1. ágúst 2023.
Auðarskóli er samrekinn leik-, grunn- og tónlistarskóli og er staðsettur í Búðardal sem er eini þéttbýliskjarni sveitarfélagsins. Á næsta skólaári verða 75 nemendur í 1.-10. bekk grunnskólans og um 22 börn í leikskólanum. Um helmingur nemenda grunnskólans stundar tónlistarnám. Einkunnarorð skólans eru Ábyrgð-Ánægja-Árangur.
Það er gott að búa í Dalabyggð. Boðleiðir eru stuttar, félagslíf er fjölbreytt og svæðið fullkomið fyrir þá sem vilja búa fjarri erli og óþarfa áreiti. Dalabyggð leggur áherslu á samhent og fjölskylduvænt samfélag þar sem allir íbúar geta unað vel. Í Dölunum gefast mörg tækifæri til útivistar og hreyfingar og í Búðardal er vel búin líkamsræktarstöð.
Starfsandinn í skólanum er góður og einkennist af samvinnu og samhjálp og því er leitað eftir starfsfólki sem hefur metnað til að taka þátt í þróun skólastarfs og vill vera virkur hluti liðsheildar.
Menntun og reynsla
- Réttindi til kennslu í tónlistarskóla
- Framhaldsmenntun er æskileg en ekki skilyrði
- Góð færni í hljóðfæraleik
- Þekking á kennslu- og uppeldisfræði er æskileg
- Hreint sakavottorð
- Þekking á helstu upplýsingakerfum sem notuð eru í sveitarfélaginu.
Hæfnisþættir
- Forystu-, skipulags- og samskiptahæfileikar
- Sjálfstæði
- Hæfni í mannlegum samskiptum, jákvætt viðmót og framúrskarandi samstarfshæfni
- Geta til að taka þátt í og stjórna breytingum
- Áhugi á að taka þátt í teymisstarfi og umbótaverkefnum
- Hæfni til að miðla upplýsingum í töluðu og rituðu máli
Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940 né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum.
Umsóknarfrestur er til og með 30. júní 2023.
Nánari upplýsingar veitir Herdís Erna Gunnarsdóttir skólastjóri Auðarskóla. Senda má fyrirspurn á netfangið: herdis@audarskoli.is. Umsóknir á að senda á sama netfang.
Umsókn skal fylgja náms- og starfsferilskrá ásamt afriti af prófskírteinum og starfsleyfi ef við á. Umsókn skal einnig fylgja kynningarbréf.
Öllum umsóknum verður svarað þegar ákvörðun um ráðningu hefur verið tekin.