Sveitarstjórn Dalabyggðar hélt vinnufund sinn að Vogi á Fellsströnd, þriðjudaginn 22. ágúst 2023.
Meirihluti aðal- og varamanna mætti á fundinn ásamt starfsfólki skrifstofu sveitarfélagsins.
Fundurinn hófst á yfirferð Haralds Reynissonar, endurskoðanda Dalabyggðar vegna vinnu við fjárhagsáætlun 2023-2024.
Þá fór Björn Bjarki Þorsteinsson yfir stöðu ýmissa verkefna frá kosningum og vinnufundi sveitarstjórnar í fyrra og hvaða málum væri verið að vinna í eða eru að koma til vinnslu á næstunni.
Jóhanna María Sigmundsdóttir fór svo í gegnum samþykktir um stjórn sveitarfélagsins Dalabyggðar með fundargestum, í tengslum við uppfærslu samþykkta í samræmi við auglýsingu nr. 1180/2021.
Að lokum voru umræður um önnur mál áður en fundi var slitið.
