Sveitarstjórn Dalabyggðar samþykkti á fundi 19. mars 2024 að auglýsa skipulagslýsingu vegna fyrirhugaðrar tillögu að breytingu Aðalskipulags Dalabyggðar 2020-2032 vegna Ólafsdals skv. 1. mgr. 30. gr. skipulagslaga nr. 123/2010.
Markmið aðalskipulagsbreytingar er að auka svigrúm fyrir gististarfsemi í Ólafsdal með því að breyta núverandi afþreyingar- og ferðamannasvæði AF10 við Ólafsdalsskóla í verslunar- og þjónustusvæði. Á breytingarsvæðinu verður áfram í gildi óbreytt stefna um hverfisvernd, sem kveður m.a. á um öll uppbygging skuli vera í sátt við menningarlandslag og stuðla að varðveislu minjaheildar.
Skipulagslýsingin er aðgengileg í skipulagsgátt Skipulagsstofnunar https://skipulagsgatt.is/issues/2024/362
Athugasemdir skulu vera skriflegar og berast á skrifstofu Dalabyggðar eða til skipulagsfulltrúa í netfangið skipulag@dalir.is eða í gegnum skipulagsgátt Skipulagsstofnunar.
Athugasemdafrestur er til 30. apríl 2024.
Skipulagsfulltrúi Dalabyggðar