Laust er til umsóknar 65% starf á skrifstofu Sýslumannsins á Vesturlandi með starfsstöð í Búðardal. Starfið felst í símsvörun fyrir allar skrifstofur embættisins á Vesturlandi.Hæfniskröfur: Almenn tölvukunnátta er nauðsynleg svo og jákvæðni, þolinmæði og þjónustulund. Tungumálakunnátta er æskileg. Laun skv. gildandi samkomulagi viðkomandi stéttarfélags og fjármálaráðherra.
Nánari upplýsingar um starfið veitir Eva Eðvarsdóttir starfsmannastjóri í síma 458 2300 á skrifstofutíma milli kl. 10:00 og 15:00.
Umsóknarfrestur er til 19. janúar 2015. Umsóknir ásamt starfsferilskrá berist skrifstofu sýslumanns að Bjarnarbraut 2, 310 Borgarnesi eða á netfangið eva@syslumenn.is.
Athygli er vakin á því að umsóknin mun gilda í sex mánuði frá því að umsóknarfrestur rennur út, með vísan til 3. tl. 2. mgr. 2. gr. reglna um auglýsingar á lausum störfum, með síðari breytingum nr. 464/1996, sem settar eru skv. heimild í 2. mgr. 7. gr. laga nr. 70/1996 um réttindi og skyldur opinberra starfsmanna.
Öllum umsóknum verður svarað þegar ákvörðun um ráðningu hefur verið tekin.
Sýslumaðurinn á Vesturlandi
Ólafur K. Ólafsson