Uppbyggingasjóður Vesturlands

Auglýst er eftir umsóknum í Uppbyggingarsjóð Vesturlands.

Styrkir úr Uppbyggingasjóði koma í stað styrkveitinga úr sjóðum menningar- og vaxtarsamninga. Uppbyggingarsjóður Vesturlands er samkeppnissjóður.

Veittir verða styrkir úr Uppbyggingarsjóði Vesturlands í eftirfarandi verkefni;

1) Styrkir til atvinnuþróunar og nýsköpunar.

2) Verkefnastyrkir á sviði menningar.

3) Stofn- og rekstrarstyrkir menningarmála.

Einungis verður ein úthlutun á árinu 2015 fyrir verkefnastyrki á sviði menningar og stofn- og rekstrarstyrkja menningarmála.

Styrkjum til atvinnuþróunar og nýsköpunar verður einnig úthlutað að þessu sinni og aftur síðar á árinu og eru þessir styrkir eru opnir fyrir úthlutun allt árið.

Á heimasíðu Samtaka Sveitarfélaga á Vesturlandi, www.ssv.is, undir flipanum „Uppbyggingarsjóður“ er að finna upplýsingar um umsóknarferli, reglur og viðmið varðandi styrkveitingar.

Áherslur Uppbyggingarsjóðs Vesturlands;

· Verkefnið þarf að stuðla að framgangi sóknaráætlunar Vesturlands.

· Samstarf; Æskilegt er að tveir eða fleiri þátttakendur standi að baki hverri umsókn og í umsókn sé rökstutt hvernig samstarfið gagnist verkefninu. Þetta á ekki við um minni verkefni.

· Samstarf við háskóla, rannsókna- eða fræðastofnanir skal teljast umsóknum til tekna.

· Atvinnuuppbygging; Stuðlar verkefnið að fjölgun atvinnutækifæra.

· Fjölbreytni og nýsköpun; Stuðlar verkefnið að nýsköpun og aukinni fjölbreytni innan atvinnulífs og í menningarstarfi.

· Mannauður; hækkun menntunnar- og þekkingarstigs.

Athygli er vakin á því að um umsóknarferlið fyrir menningartengda styrki er með sambærilegum hætti og var í menningarsamningi þ.e. að umsóknir skal senda inn með rafrænum hætti. Finna má umsóknarformið inná www.menningarviti.is og www.ssv.is

Umsóknarferlið um styrki til atvinnu- og nýsköpunarverkefna verður hins vegar með sambærilegum hætti og var í vaxtarsamningi, þannig að umsóknir verða send á netfangið uppbyggingarsjodur@ssv.is, Nálgast má umsóknareyðublöð inná www.ssv.is

Nánari upplýsingar og aðstoð er hægt að fá á skrifstofu SSV í síma 433-2310. Einnig er hægt að hafa samband við Elísabetu Haraldsdóttur í síma 433-2313 eða 892-5290, netfang menning@vesturland.is og Ólaf Sveinsson í síma 433-2312 eða 892-3208, netfang olisv@ssv.is

Vegna auglýsingar um styrki til menningarstarfs, atvinnuþróunar og nýsköpunar verða starfsmenn SSV með eftirfarandi viðtalstíma:

Þriðjudagur 7. apríl – Snæfellsbær

Kl. 13:00-15:00 – Átthagastofa

Miðvikudagur 8. apríl – Stykkishólmur

Kl. 13:00-15:00 – Bæjarskrifstofa

Fimmtudagur 9. apríl – Grundarfjörður

Kl. 13:00-15:00 – Bæjarskrifstofa

Mánudagur 13. apríl – Borgarnes

Kl. 13:00-15:00 – Skrifstofa SSV

Þriðjudagur 14. apríl – Akranes

Kl. 11:00-14:00 – Kaffihúsið Skökkin

Þriðjudagur 14. apríl – Hvalfjarðarsveit

Kl. 13:00-15:00 – Ráðhúsið