Laus störf í Dalabyggð og nágrenni


Allir þeir sem hafa í boði lögleg störf, innan þess svæðis að íbúar Dalabyggðar geti sótt þau, geta fengið atvinnuauglýsingar birtar hér endurgjaldslaust.

Hjúkrunarframkvæmdarstjóri

Dalabyggð óskar að ráða drífandi einstakling í starf hjúkrunarframkvæmdastjóra Dvalar- og hjúkrunarheimilisins Silfurtúns í Búðardal.

Leitað er að kraftmiklum og metnaðarfullum einstaklingi með faglega sýn. Á Silfurtúni eru 10 hjúkrunarrými og 2 dvalarrými. Þar starfa um 15 starfsmenn. Um 100% starfshlutfall er að ræða.

Helstu viðfangsefni og ábyrgð

  • Fagleg ábyrgð og forysta um hjúkrun og þjónustu við íbúa
  • Yfirsýn og mótun skipulags fyrir heimilið
  • Stefnumótun, markmiðasetning og árangursmælingar
  • Uppbygging mannauðs og liðsheildar ásamt ábyrgð á starfsmannamálum
  • Umsjón með og ábyrgð á rekstri og stjórnun heimilisins

Hæfnikröfur

  • Háskólagráða í hjúkrunarfræði er nauðsynleg, framhaldsmenntun og reynsla er kostur
  • Brennandi áhugi á þróun þjónustu og uppbyggingu heimilisins
  • Hæfni í mannlegum samskiptum og góður samstarfsvilji
  • Frumkvæði, áreiðanleiki, drifkraftur, þrautseigja
  • Reynsla og/eða þekking af rekstri. Þekking á RAI-mati er æskileg

Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags. Við hvetjum

áhugasama til að sækja um, óháð kyni og uppruna. Gengið er út frá því að starfsmaðurinn verði búsettur í Dalabyggð.

Umsókn þarf að fylgja starfsferilskrá og kynningarbréf.

Nánari upplýsingar veitir Ari Eyberg (ari@intellecta.is) eða Thelma kristín Kvaran (thelma@intellecta.is). Umsókn óskast fyllt út á www.intellecta.is.

 

Umsóknarfrestur er 10. febrúar 2020.

Birt 23.janúar 2020

Heimaþjónusta

Starfsfólk vantar hjá félagsþjónustu Dalabyggðar við heimaþjónustu. Mikill sveigjanleiki er í starfshlutfalli.

Í félagslegri heimaþjónustu er veitt aðstoð við þrif, heimilisstörf og/eða félagslegur stuðningur til að gera viðkomandi kleift að búa á eigin heimili við sem eðlilegastar aðstæður.

Umsækjandi þarf að vera stundvís, áreiðanlegur, heiðarlegur, hafa góða samskiptahæfileika og þarf að geta hafið störf sem fyrst.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Karlar jafnt sem konur eru hvattar til að sækja um.

Upplýsingar veitir verkstjóri félagslegrar heimaþjónustu Ragnheiður Pálsdóttir í síma 849 2725 eða á netfangið heima.tjonusta@dalir.is.

  • Var efni síðunnar hjálplegt?
  • Nei