Nemendur Grunnskólans í Tjarnarlundi sem eru á aldrinum 6-16 ára, frumflytja einn af 6 köflum tónverks eftir Snorra Sigfús Birgisson.

Stjórnandi flutnings Haraldur G. Bragason.

Nemendur grunnskólans munu einnig flytja ljóð og Þorrakórinn mun syngja lög við ljóð Steins undir stjórn Halldórs Þorgils Þórðarsonar. Myndverk nemenda, innblásin af ljóðum Steins, verða til sýnis.

Að dagskrá lokinni bjóða nemendur og kennarar Grunnskólans í Tjarnarlundi upp á kaffi og kökur.

Allir velkomnir.

Frumfluttur verður einn hluti tónverks – sem er í heild sinni 6 þættir, eftir tónskáldið Snorra Sigfús Birgisson. Kallað var sérstaklega eftir verki frá Snorra í tilefni af því að 100 ár eru frá fæðingu skáldsins Steins Steinarr og samdi hann verkið með unga nemendur Grunnskólans í Tjarnarlundi í huga. Verkið inniheldur Forspil, 4 Kvæði og Eftirspil. Sá þáttur verksins sem frumfluttur verður nk. laugardag heitir

“Kveld við Breiðafjörð”.

Verkefnið er styrkt af Menningarráði Vesturlands. Unnið í samstarfi Grunnskólans í Tjarnarlundi, Nýpurhyrnu og Tónlistarskóla Dalasýslu.

Markmið verkefnisins STEINN STEINARR í 100 ár er að kynna börnum og ungmennum í Dalabyggð vinnubrögð tónskálds og kveikja áhuga þeirra á nýsköpun á sviði tónlistar sem byggir á menningararfi heimabyggðar þeirra, en ljóðskáldið Steinn Steinarr var heimamaður á Skarðsströnd og í Dölum. Tónverkið er samið í tilefni aldarafmælis Steins Steinarrs í tengslum við skáldverk hans. Vonast er til að verkefnið geti orðið ungu fólki á svæðinu hvatning til að kynna sér menningararf sinn enn frekar – og að njóta hans sem innblásturs til nýrra verka.

Með því að virkja börn og unglinga á svæðinu til samvinnu við færan fagmann á sviði tónlistar og tónsköpunar er sáð fræjum umhugsunar í hugi barna og unglinga á svæðinu um nýsköpun og menningararf og um möguleika sem þar felast og bíða færis. Mikilvægt er að börn kynninst þeirri upplifun sem fólgin er í því að taka þátt í samstarfi við framúrskarandi fagmenn á sviði lista.

Á dagskrá verður:

Ljóðaflutningur nemenda Grunnskólans í Tjarnarlundi:

Barn; Steinn Steinarr

Nemendur í 1.- 6. bekk leika og syngja.

Mannkynssaga fyrir byrjendur; Steinn Steinarr

Upplestur; Kristinn Helgi Bogason

Það vex eitt blóm fyrir vestan; Steinn Steinarr

Upplestur; Kristín Þórarinsdóttir

Grautur og brauð; Steinn Steinarr

Upplestur; Stefán Rafn Kristjánsson

Að frelsa heiminn; Steinn Steinarr

Upplestur; Elísa Katrín Guðmundsdóttir

Syrpa, lög við ljóð eftir Stein Steinarr.

Flutningur: Þorrakórinn

Stjórnandi og undirleikari: Halldór Þorgils Þórðarson

Kveld við Breiðafjörð; Steinn Steinarr

Frumfluttur einn hluti verks eftir Snorra Sigfús Birgisson.

Snorri mun í stuttu máli segja frá verkinu.

Söngur: Nemendur Grunnskólans Tjarnarlundi

Undirleikur: Steinþór Logi Arnarsson, Elísa Katrín Guðmundsdóttir,

Kristinn Helgi Bogason, Elísabet Ásdís Kristjánsdóttir, Haraldur Guðni

Bragason og Halldór Þorgils Þórðarson.

Kynnir Guðbjörg Björnsdóttir, skólastjóri Grunnskólans í Tjarnarlundi.